Sport

Federata greke falënderon FFK-në për mikpritje

Federata e Futbollit e Greqisë nëpërmjet një shkrese drejtuar presidentin Agim Ademi ka falënderuar edhe një herë për mikpritjen që FFK i bëri Kombëtares së Greqisë në Kosovë.

“Ne duam t’ju falënderojmë edhe një herë për mikpritjen tuaj dashamirëse dhe bujare gjatë qëndrimit të Kombëtares sonë në Kosovë.

Shpresojmë se do të jemi në gjendje të japim të njëjtën mirësjellje për vendet tona dhe ne dëshirojmë të rikonfirmojmë se Federata e Futbollit e Greqisë është gjithmonë në dispozicionin tuaj për çdo bashkëpunim midis Federatave tona, për zhvillimin e lojës sonë të dashur”, thuhet në shkresën e federatës greke.

Mbrëmë Kosova barazoi me Greqinë (1:1) në ndeshjen e zhvilluar në stadiumin “Fadil Vokrri” në kuadër të kualifikimeve për Botërorin “Katari 2022”. Kjo ishte përballja e tretë e Kosovës me Kombëtaren helen që nga anëtarësimi në UEFA e FIFA.

Më parë Dardanët janë ballafaquar me grekët edhe në kuadër të Ligës së Kombeve.

Postime të ngjajshme
LajmeSport

Joshua - Usyk, këtu mund ta shikoni "LIVE" meçin!

LajmeSport

Momenti kur Florian Marku shpallet kampion

LajmeSport

FLORIAN MARKU TRIUMFON PËRBALLË BOKSIERIT UKRAINAS NË LONDËR

LajmeSport

Mbyllet rundi i pestë në ndeshjen Marku – Prodan, këto janë disa nga lëvizjet e menqura të boksierit shqiptar