Lajme

EKSKLUZIVE: “Llepota” arrestohet në Spanjë

I shumëkërkuari nga Policia e Kosovës, Astrit Mehmeti i njohur me nofkën “Llepota” ka përfunduar në pranga. Sidoqoftë, lajmi.net merr vesh se ai është arrestuar në Spanjë.

I arratisur e i pakapshëm nga Policia e Kosovës që nga nëntori i vitit 2019, i shumëkërkuari “Llepota” është arrestuar sot nga autoritetet spanjolle.

Lajmi.net ekskluzivisht nga burimet e veta merr vesh se Llepota është arrestuar nga Policia në Spanjë.

Sidoqoftë, çështja e ekstradimit të tij në Kosovë pritet të qartësohet në ditët në vazhdim pasi shteti spanjoll nuk e njeh Kosovën.

Astrit Mehmeti, problematiku i Prishtinës është në arrati që nga nëntori i vitit 2019 kur ishte përfshirë në një gjuajtje me armë para diskotekës “Duplex” në Prishtinë.

Që nga ajo kohë, Policia e Kosovës nuk kishte rënë më në gjurmët e “Llepotës”, njërit prej gangsterëve më të njohur dhe famëkeq në Kosovë.

Premtim publik për arrestimin e tij madje kishte dhënë edhe vet ish-drejtori i Policisë, Rashit Qalaj, mirëpo që kapja e “Llepotës” nuk ishte aq e lehtë sa ishte menduar. /Lajmi.net/

Postime të ngjajshme
Lajme

Policia jep detaje për rastin e dhunës seksuale ndaj nxënëses në klasën e parë

Lajme

Raportohet për një sulm seksual ndaj një nxënësje të klasës së parë në Prishtinë

Lajme

“E pabesueshme”, ish-gazetarja kosovare rrëfen bisedën e burrit me ekipën e Associated Press pas bombardimit

Lajme

Eksperti amerikan godet Kurtin për gjendjen tek “1 Tetori”