Kryetari i Mitrovicës, Agim Bahtiri do t’i bashkohet Lëvizjes Vetëvendosje, shkruan Gazeta Express.
Burime të Gazetës Express kanë bërë të ditur se Bahtiri i cili momentalisht është anëtar i AKR’së së Behgjet Pacollit, këtë të premte do t’i bashkohet VV’së së Albin Kurtit.
Por, ai nuk do të aderojë i vetëm, bashkë me Bahtirin do të anëtarësohen edhe 600 aktivistë të rinj në Vetëvendosje.
Gjatë muajit maj të këtij viti Bahtiri e ka shoqëruar Albin Kurtin në tri komunat Veriore të Mitrovicës.
Bahtiri edhe më parë kishte konfirmuar se është larguar nga partia e Behgjet Pacollit.
Express më datë 25 korrik të këtij viti kishte pyetur të parin e Mitrovicës për koalicione të mundshme parazgjedhore, ai ishte përgjigjur se për këtë pyetje duhet të adresohemi të organet e AKR’së, duke e përjashtuar vetën e tij.
“Unë nuk merrem më me AKR’në, pyetni organet e AKR’së, jo mua”, kishte deklaruar Bahtiri.
E arsyeja pse ai nuk kishte pranuar të deklarohet ishte sepse sipas Bahtirit ai nuk ishte më pjesë e AKR’së.
“Unë nuk jam më me AKR’në, nuk jam më në partinë e Behgjet Pacollit”, ishte përgjigjur Bahtiri.