Tifozët e Kosovës, “Dardanët” e kanë konfirmuar simpatinë e tyre për yllin e ri të Përfaqësueses së Kosovës, Edon Zhegrova.
Në një video që po qarkullon në rrjetet sociale, të cilën e ka shpërndarë edhe vetë futbollisti i Baselit, shihet futbollisti ofanziv në fanclubin e ri të “Dardanëve”, të cilët i këndojnë atij: “Edon Zhegrova, krenaria e jonë”.
Zhegrova kishte shpërthyer vitin e kaluar duke shënuar dy gola për Kosovën në ndeshje miqësore.
Duke i pasur parasysh mungesat e shumta të Verdhekaltërve për ndeshjet e shtatorit ndaj Republikës Çeke dhe Anglisë, Zhegrova mund të jetë titullar.
E gjithë Kosova beson ende në super-talentin kosovar, i cili njihet edhe si “Messi i Kosovës”.
Shpresojmë që ai t’i tregojë vlerat e tij në ndeshjen e së shtunës ndaj çekëve në stadiumin “Fadil Vokrri” në Prishtinë.