Sport

E zbulon Conte: Ja çfarë iu thashë lojtarëve para derbit me Milanin

Nesër me fillim nga ora 15:00 në stadiumin e “San Siro” do të zhvillohet derbi i madh italian i njohur si “Madoninna” ndërmjet Milanit dhe Interit.“Nerazzurrët” janë në krye të tabelës pasi kapërcyen Milanin javën e kaluar, pas humbjes së “Rossonerëve” ndaj Spezias, përcjell KosovaPress.

Para kësaj ndeshjeje ka folur trajneri i Interit Antonio Conte duke e analizuar ballafaqimin e nesërm.“Ne po flasim për dy skuadra që janë duke luftuar për titull. Kjo është shumë e kënaqshme për qytetin, do të thotë se ka shumë luftë, shumë më tepër sesa krenaria lokale, “tha Conte në konferencën e tij për shtyp.“Ne gjithmonë duhet të punojmë me vendosmërinë dhe entuziazmin e duhur, kështu që kur tabela është e tillë, ju duhet të jeni edhe më të motivuar dhe të ngazëllyer.”

“Mesazhi që i dhashë ekipit këtë javë është i njëjtë me çdo javë tjetër, për të dhënë gjithçka, për të punuar mirë dhe për t’u përmirësuar. Ne përpiqemi për përsosmëri. Asgjë nuk ndryshoi nga asnjë javë tjetër.”“Ne jemi duke punuar për të ndërtuar diçka të rëndësishme, për të vazhduar procesin e rritjes, dhe jemi përballë një skuadre të Milanit që meriton pozicionin e saj në tabelë dhe është një ekip i shkëlqyeshëm, kështu që ne duhet të jemi në të mirën tonë nesër”, përfundoi Conte.

Postime të ngjajshme
Sport

Zymberi shpërthen ndaj Klodian Duros

Sport

Gani Sejdiut po i dhimbset gjendja në të cilën ndodhet Feronikeli

Sport

Rexha ndez derbin

Sport

Lushtaku pyetet se a do të rikthehej te Drenica, kjo është përgjigjja e tij