Për një aksident komunikacioni ku mbeti i vdekur një i ri në Durrës, u raportua sot gjatë ditës.
Më pas, u tha që pas aksidentit, trupi i të riut ishte hedhur në një vend tjetër.
Por, disa pamje që ka siguruar Ora Neës, tregojnë një makinë, që merr zvarrë të riun për disa metra nga ku ka ndodhur aksidenti, shkruan gazeta inFokus.
I ndjeri thuhet se ishte drejtues i një motoçiklete që fillimisht është përplasur me një autobus e më pas është marrë zvarrë nga një veturë tjetër.
Njoftimi i Policisë:
Më datë 26.10.2019, rreth orëns 20:10, në autostradën Tiranë- Durrës, në afërsi të një karburanti, në Shkozet, shtetasi P.T, duke drejtuar një mjet autobus tip “Skania” është përplasur me motorin tip “Dajang”, me drejtues shtetasin R. B, 25 vjeç, banues ne lagjen nr 15 Durres i cili ka gjetur vdekjen.
Nga kqyrja e kamerave dhe veprimet paraprake rezulton se drejtuesi i motorit si pasojë e përplasjes nga autobusi është përplasur edhe me një mjet tjetër i cili e ka spostuar trupin e viktimës nga vendngjarja.
Ndërsa motorri është gjetur në vendngjarje poshtë autobusit. Punohet për sqarimin e rrethaneve të ngjarjes.