Lajme

E quajti Bidenin të korruptuar, jep dorëheqje ministri i këtij shteti

Ministri i Brendshëm i Estonisë ofron dorëheqje pasi e quajti Bidenin të korruptuar
Ministri i Brendshëm i Estonisë, Mart Helme, ka njoftuar të hënë se do të japë dorëheqje pasi e ka quajtur presidentin e zgjedhur të SHBA-së, Joe Biden, dhe të birin e tij persona të korruptuar në një radiostacion gjatë fundjavës, raporton agjencia Reuters.
Helme është anëtar i partisë popullsitë, të djathtë Ekre, që gjendet në koalicion Qeverisës me partinë e kryeministrit Juri Ratas.

Estonia, që është anëtare e NATO-s dhe BE-së, varet nga mbrojtja nga SHBA-ja për sigurinë nga Rusia.

Helme i ka thënë gazetarëve se i qëndron prapa atyre që i ka thënë, por se po jep dorëheqje në protestë se si komentet e tij janë mbuluar nga mediumet estoneze, të cilat i përshkroi si “shpifje dhe gënjestra”.

Partia do të mbetet në koalicion, ka thënë Martin Helme, i biri i Mart Helmes dhe ministri aktual i Financave.

“Asnjëri në koalicion nuk ka kërkuar që të largohemi”, ka thënë Martin Helme, që vet të dielën tha se zgjedhjet në SHBA të fituara nga Bideni janë manipuluar.

Komentet janë kritikuar nga kryeministri Ratas dhe presidentja e Estonisë, Kersti Kaljulaid.

Partia opozitare e Reformës të hënë ka bërë thirrje që partia Ekre të largohet nga Qeveria.

“Reputacioni i Estonisë është në sulm përderisa Ekre është në Qeveri”, ka thënë liderja e partisë Kaja Kallas.

Postime të ngjajshme
Lajme

Befason Ramush Haradinaj: Nëse bëhem President, ky do të jetë kryetar i AAK-së

Lajme

Molliqaj tregon për raportet e tij me Kurtin

Lajme

A do të jetë Uran Ismaili kandidat i PDK’së për Prishtinë?

Lajme

Selmanaj i dërgon “selam” Osmanit