Presidenti i Amerikës, Donald Trump, vetëm dy ditë para zgjedhjeve në Kosovë, në profilin e tij në Twitter ka dal kundër korrupsionit jo vetëm në Amerikë, por në mbarë botën.
Ai ka bërë thirrje që t’i jepet fund korrupsionit në botë. Trump ka shkruar se president i Amerikës është i obliguar për të përfunduar korrupsionin, madje edhe në shtetet e huaja.
Sipas tij, fushata e tij antikorrupsion nuk ka të bëjë me kundërshtarët e tij, por me një luftë, e cila është bërë gjatë tërë kohës.
Pikërisht në iniciativën e antikorrupsion të presidentit Trump është duke u thirru lideri i PDK-së. Kadri Veseli, i cili në çdo tubim ka thënë se lufta e tij antikorrupsion është në një vijë me luftën e Trumpit.
Madje për të forcuar këtë mesazh, në Kosovë kishte qëndruar ish kreu i Drejtësisë të Administratës Trump, Matt Whitaker, i cili kishte bërë thirrje që të votohet PDK-ja dhe Kadri Veseli.
