Lajme

Deliu i reagon Borrellit: Nuk pranojmë këshilla nga dikush që na mohon shtetësinë

Deputetja nga radhët e Partisë Demokratike të Kosovës (PDK) Blerta Deliu i ka reaguar shefit të diplomacisë së Bashkimit Evropian, Josep Borrell.

E krejt kjo për shkak të deklaratave të tij se Kosova dhe Serbia duhet të veprojnë në përputhje me angazhimin e BE-së dhe në përputhje me aspiratat e tyre evropiane.

Deputetja Deliu, përmes një statusi në Facebook ka thënë që Kosova nuk i pranon këshillat e dikujt që e mohon pavarësinë e saj.

Ja postimi i plotë:

“Shefi i diplomacisë së BE-së Josep Borrell duhet ta kuptojë që Kosova nuk pranon këshilla nga mohuesit e pavarësisë dhe shtetësisë së saj. Ai po bëhet pjesë e kampanjës së Daçiqit për të dëmtuar njohjet e Kosovës dhe ky qëllim po i lexohet lehtë. Borrell po gabohet kur po e konsideron Kosovën aq naive sa të ndjek rekomandime për zvogëlimin e subjektivitetit të saj ndërkombëtar dhe aq më pak të cenojë miqësinë me SHBA-të mbi këshillat e tij.

Lidhja dhe ndërtimi i marrëdhënieve diplomatike është vullnet reciprok mes shteteve të pavarura dhe nëse Borrell dëshiron të ndihmojë në këtë drejtim bën mirë ta këshillojë Serbinë të hap Ambasadën e vet në Kosovë”, ka shkruar ajo në një postim në Facebook.

Postime të ngjajshme
Lajme

Befason Ramush Haradinaj: Nëse bëhem President, ky do të jetë kryetar i AAK-së

Lajme

Molliqaj tregon për raportet e tij me Kurtin

Lajme

A do të jetë Uran Ismaili kandidat i PDK’së për Prishtinë?

Lajme

Selmanaj i dërgon “selam” Osmanit