Lajme

Deklaratat e kujt e nervozuan më shumë Ramiz Lladrovcin gjatë vitit 2020?

Kryetari i Drenasit, Ramiz Lladrovci ishte pjesë e Ushtrisë Çlirimtare të Kosovës, e që padyshim çdo deklaratë që bëhet kundër UÇK’së thotë se e godet atë. Ndërkohë, tregon se miku i tij më i mirë është kryetari i Komunës së Skenderajt, Bekim Jashari.

“Deklaratat e politikanëve janë opinione të cilat nuk duhet gjykuar, përpos atëherë kur fyhet dinjiteti ynë nacional, shteti apo vlerat kombëtare, etnopsikologjike apo vlerat përtej bindjes personale. Çdo deklaratë kundër UÇK-së më godet, sepse, është shpirti ynë shekullor i rezistencës dhe prirjes për liri. Mund të kemi gabime, por, UÇK-ja është madhështore. Shkëlqimi ynë shpirtëror e fizik, pas Skënderbeut në agjendat botërore dhe liria e arritur. Të gjithë kryetarët e komunave në përgjithësi i kam miq, por, Bekim Hamëz Jashari për mua është më shumë se shok e mik e bashkëpunëtor”, tha Lladrovci për lajmi.net, i pyetur se cilat deklarata e kanë nervozuar më shumë.

Ndërkohë, kur pyetet për mikun më të mirë, pa hezitim përmend Bekim Jasharin. Miq të tij thotë se janë edhe ish-pjesëtarët e UÇK’së që aktualisht ndodhen në Hagë.

Për ta këtë fundvit, ai ka një mesazh.

“Po, ne të gjithë që kemi qenë dhe jemi miq të ngushtë e të afërt të tyre e kemi përjetuar dhe përjetojmë shumë rëndë mungesën e tyre. Jo vetëm ne, por edhe vendi ynë dhe kombi janë të goditur.

Zemra dhe shpirti ynë është me ta, duke qenë fuqishëm të bindur në pafajësinë e tyre por edhe bindjen e fortë se do të lirohen nga shpifjet e kuzhinave të huaja dhe tendenca e njollosjes së luftës tonë të drejtë e të pastër”, tha Lladrovci.

Postime të ngjajshme
Lajme

E dhimbshme: Vdes 31 vjeçarja nga Mitrovica, vuante nga kanceri

Lajme

Shkëlzen Gashi publikon fotografinë që s’do të donin ta shihnin partitë tjera

Lajme

Glauk Konjufca si gjimnazist, koha kur fliste për mbylljen e shkollave shqipe nga serbët

Lajme

Nga këto komuna janë rastet e reja me koronavirus