Drenica barazoi sërish në kryeqytet, por këtë herë ndaj KF Flamurtarit (0-0). Për ‘kuqezinjtë’ nga Skenderaj ky ishte barazimi i tretë më radhë.
Kryetrajneri i kësaj skuadre Tahir Lushtaku foli pas ndeshjes, teksa komentoi ndeshjen ndaj Flamurtarit.
“Jam i kënaqur me pjesën e parë të lojës, pasi që kemi krijuar shumë raste, ndërkohë që në pjesën e dytë e ulëm ritmin e lojës dhe nuk jam aspak i kënaqur. Kur nuk shënon, atëherë pëson, por ne patëm fat dhe duhet të mbetemi me këtë pikë”, deklaroi Tahir Lushtaku për “Super Sport Kosova”.
Me këtë pikë Drenica tejkalon Trepçën ’89 në renditjen tabelare me 11 pikë të tubuara.