Sport

CL: Nga Baseli te Feyenoord, skuadrat shqiptare mësojnë rivalët e radhës

Partizani, Laçi dhe Vllaznia e kryen me sukses objektivin primar në Conference League. Tre skuadrat e Kategorisë Superiore ia dolën të eliminojnë rivalët dhe do të garojnë në raundin e dytë, që zhvillohet javën tjetër.

Basel kundërshtari i radhës për “Demat” e Ilir Dajës, rumunët e Univ Craiova për bardhezinjtë kurbinas, teksa shkodranët e Brdaric do të sfidojnë qipriotët e AEL Limassol.

Në raundin e dytë të Conference League edhe Teuta, që vjen nga Champions League (u eliminua nga Sheriff Tiraspol). Kampionët e Shqipërisë do të ndeshen me Inter Club d’Escaldes, kampionët e Andorrës.

Festë edhe për Dritën . “Intelektualët” dardanë i presin dy takime “zjarri” me holandezët e Feyenoord.

Riga e Letonisë është rivali i Shkëndisë së Tetovës, që dështoi në dy takimet përballë Mura në raundin e parë të Champions League. Sfidat e para të skuadrave shqiptare do të zhvillohen më 22 korrik, teksa dy ditë më parë Prishtina luan ndeshjen e parë kundër uellsianëve të Connahs Q. /abcnews.al

Postime të ngjajshme
Sport

Shaqiri pritet të kthehet në Serie A, dy skuadra të mëdha e duan futbollistin shqiptar

Sport

Përzgjedhësi i Shqipërisë U19 zbulon listën me futbollistët e ftuar për miqësoren kundër Italisë

Sport

Talenti i skuadrës gjermane i thotë “Po” Kosovës

Sport

Superkompjuteri parashikon renditjen finale në Premierligë