Sport

Ceferin me fjalë të mëdha për Manchester Cityn

Alexander Ceferin, presidenti i UEFA-s, ka lëshuar një deklaratë zyrtare pasi mësoi se Manchester City është larguar nga Superliga Evropiane.

Ai ka shkruar se i kënaqur të mirëpret Manchester City në familjen evropiane të futbollit.

“Jam i lumtur që mirëpres Manchester Cityn në familjen e futbollit evropian. Ata kanë treguar inteligjencë të madhe duke dëgjuar shumë zëra, veçanërisht atë të tifozëve të tyre, të cilët kanë shpjeguar përfitimet vitale që ka sistemi aktual për të gjithë futbollin evropian, nga fitorja në finalen e Ligës së Kampionëve në atë të një të riu futbollist nis seancën e tij të parë stërvitore në një klub”.

 

“Siç thashë në Kongresin e UEFA-s, duhet guxim për të pranuar një gabim, por unë kurrë nuk kam dyshuar se ata kishin aftësinë dhe mendjen e shëndoshë për të marrë atë vendim|.

“City është një pasuri e vërtetë e lojës. Dhe unë jam i kënaqur që do të punoj me ta për një të ardhme më të mirë për futbollin evropian”, ka shkruar Ceferin.

 

Shembullin e Cityt pritet ta ndjekë edhe skuadra tjetër angleze Chelsea.

Ndërkohë mediat e ndryshme evropiane kanë raportuar se edhe Barcelona e Atletico Madrid po mendojnë largimin nga Superliga e Evropës.

Postime të ngjajshme
Sport

Liverpool kërkon yllin e Real Madridit, ky është çmimi i vendosur për të

Sport

Joshua – Fury, konfirmohet data e duelit të shumë pritur

Sport

Zbulohet cili do të jetë transferimi i parë i Barcelonës

Sport

Heroi i Llapit tregon personin që i besoi më së shumti pas familjes së tij