Kampioni ne fuqi i IPKO Superligës nesër udhëton në Vushtrri për të zhvilluar ndeshjen e xhiros së 11-të.
Feronikeli vjen në këtë përballje pas humbjes nga Gjilani, në xhiron e fundit të Superligës.
Para kesaj sfide shumë domethënëse për skuadrën nga Drenasi, në një prononcim për BlicMedia ka folur Besmir Bojku.
“Për ne do jetë ndeshje shumë e rëndësishme pasi tre pikët janë detyrë për Feronikelin nuk kemi më kredit për të humbur shpresoj edhe fati të jetë me ne pasi në disa ndeshje të rëndësishme edhe fati na ka kthyer shpinën“, ka thënë Bojku.
“Shpresoj dhe besoj se do kthehemi me tre pikë nga Vushtria“, ka deklaruar futbollisti i Feronikelit, Besmir Bojku.
Vushtrria – Feronikeli luhet nesër (e martë) me fillim nga ora 14:00. /BlicMedia.net