Futbollisti Atdhe Grajqevci, ka bërë kërkesë zyrtare për tu larguar nga skuadra e FC Drenicës.
Mesfushori 21 vjeçar ka konfirmuar për Gazetën sheshi se tashmë ndodhet në procesin e ndarjes, teksa pret marrjen lejes së lëshimit për të ndërruar ambient në afatin kalimtar të janarit.
“Kam bërë kërkesë zyrtare te drejtuesit e klubit për shkëputjen e kontratës dhe pres që nesër të marr përgjigjjen zyrtare, e cila me shumë mundësi do të të “Po”, pasi që kam patur raporte të mira dhe kam kaluar mirë në Skenderaj”, deklaroi fillimisht Grajqevci.
“Jam në bisedime me disa skuadra dhe shumë shpejtë do të vendosi se ku do të jem për pjesën pranverore të kampionatit”, mbylli Grajqevci.
Ai më parë ishte pjesë e disa skuadrave në vend si KEK-u, Prishtina dhe Vëllaznimi.