Trajneri i Llapit, Tahir Batatina ka reaguar ashpër në rrjetin social “Facebook”, shkruan Zëri.info.
Batatina që është edhe donator te Llapi përmes një statusi ka reaguar duke thënë se miqtë e Agim Ademit po marrin mëditje në Katar me Përfaqësuesen e Kosovës.
Sipas, tij në këtë tubim të Kosovës para ndeshjes miqësore me Suedinë po mungojnë ata që japin miliona për futboll, përfaqësuesit e klubeve.
Batatina paralajmëron ndryshime më 27 janar të këtij viti.
Postimi i Tahir Batatinës pa ndërhyrje
A janë këta Përfaqësuesit e futbollit të Kosovës që përcjellin stërvitjen e Kombëtares në Katar?
Asnjë përfaqësues i klubeve të Superligës dhe Ligës së Parë!!
Ne japim miliona në futboll ndërsa zhvatësit e futbollit, pra miqtë e Agim Ademit që marrin meditje e kujdestari më të larta sa të mjekëve, për herë të fundit këtë udhëtim e shijojnë nga parat tona.
Me 27.01.2020 në Kuvendin e FFK-së do të ndodhë ndryshimi. Klubet do të vendosin për futbollin, e jo më këta zhvatësit, sejmenët e Agim Ademit qe nuk perfaqësojnë asnjë klub.