Mikel Arteta ka treguar se e ka bindur Granit Xhakën që të ndryshojë mendje dhe të qëndrojë në “Emirates”.
Xhaka ishte gati të largohej pas disa konflikteve me tifozët, në ndeshjen ndaj Crystal Palace, që i kushtoi edhe me heqjen e shiritit të kapitenit.
Agjenti i tij madje e konfirmoi se ka arritur marrëveshje me ekipin nga Bundesliga, Hertha Berlin, por shefi i Arsenalit ka zbuluar se Xhaka do të jetë në Arsenal.
“Unë doja që ai të dëgjonte nga unë mendimin tim për të, dhe se unë isha i gatshëm ta mbështesja dhe që isha i gatshëm ta shtyja klubin që të jetë edhe përkrahës i tij, sepse mendova se ai mund të ishte një lojtar me të vërtetë, me të vërtetë i mirë për ne dhe ai mund të shijonte duke luajtur nën mua në këtë klub futbolli”.
“Unë u përpoqa ta bind në atë mënyrë. Ai mendoi për këtë, ai pati një përgjigje shumë pozitive më pas, dhe unë mendoj se ai ndryshoi mendim” – ishin fjalët e Artetas.