Lajme

Agim Ademi takohet me një trajner legjendar në Doha të Katarit

Presidenti i FFK-së, Agim Ademi ka qenë i ftuar në Doha të Katarit nga FIFA për të parë nga afër ndeshjet e Kampionatit Botëror për klube.

Gjatë qëndrimit disa ditor në këtë vend, Ademi ka pasur takime të shumta.

I pari i FFK-së ka marrë pjesë në takimin e përbashkët të presidentit të FIFA-s, Gianni Infantino me presidentët e konfederatave dhe federatave kombëtare në Doha të Katarit.

Gjithashtu presidenti Ademi është pritur edhe nga ambasadori i Kosovës, Amir Ahmeti në Doha.

Ndërkohë gjatë ndeshjes finale, Ademi ka pasur një takim special me trajnerin legjendar francez Arsene Wenger.

“Ditë e ngjeshur me takime në Doha të Katarit, por edhe një mbrëmje relaksuese me finalen e Kupës së Botës për klube, Bayern Munich – Tigres UANL”.
“Ishte kënaqësi ta takoja dhe të bashkëbisedoja për futbollin me trajnerin e mirënjohur francez, Arsene Wenger. Përvoja e tij dhe sukseset e arritura në karrierën e tij të mahnitshme si trajner, por edhe storia e rrugëtimit të futbollit kosovar nga rezistenca deri në ditët e sotme të suksesit e krenarisë ishin pjesë e pashmangshme e këtij bashkëbisedimi”.

“Kënaqësi të krijosh miqësi të reja dhe ura bashkëpunimi me personalitete të tilla si Wenger”, ka shkruar Agim Ademi në faqen e tij zyrtare në Facebook.

Postime të ngjajshme
Lajme

Kur do të vijë vaksina kundër COVID-19 në Kosovë?

Lajme

Parashikimi i motit për vikend: Rikthehet i ftohti dhe bora

Lajme

Endrit Thaçi poston fotografi emocionuese të Adem Jasharit dhe Hashim Thaçit

Lajme

Kujtim Shala reagon për herë të parë pas debaklit, të LDK-ës