Sport

Afrim Toverlani tregon se çka po i mungon Ballkanit

Java e 20-të kampionale në Superligën e Kosovës në futboll ka përfunduar me dy ndeshjet e ditës së diel (sot), shkruan “Zeri.info”.

Ballkani ka shënuar fitore të rëndësishme 1:0 ndaj Feronikelit e cila ia mundësoi kalimin në vendin e parë.

Ndonëse arriti tri pikë, trajneri i mirënjohur kosovar, Afrim Toverlani ka thënë në emisionin “Dueli Sportiv” se “portokallezinjve” po u mungon ajo fryma që e kanë pasur në kohën kur shef i shtabit teknik ka qenë trajneri, Ismet Munishi.

Megjithatë, sipas “Tokit” trajneri i tanishëm i Ballkanit, Bledi Shkëmbi e njeh futbollin kosovar dhe për të vlerësuar punën e tij nevojitet kohë.

“Është e vështirë të vlerësohet për këto pak ndeshje edhe pse eliminimi nga Kupa ndaj Llapit, po shihet se Ballkanit po i mungon fryma e mëhershme që e kanë pasur me Ismetin, ku ka pasur me shumë ngulm me shumë insistim për të realizuar golin. Tash i duhet edhe Shkëmbit edhe pse nuk ka qenë edhe kohë e shkurtë, por jo edhe e gjatë. Bledi e njeh rrethanat e futbollit kosovar pasi ka qenë edhe te Liria e Prizrenit, megjithatë koha do e tregojë”, ka thënë Toverlani.

Postime të ngjajshme
Sport

Presidenti i Prishtinës takohet me atë të Dritës dhe pyet se kush do të del kampion?!

Sport

Agjenti i Rrahmanit flet për të ardhmen e mbrojtësit të Kosovës

Sport

FFK me projekt të ri për futbollin e femrave, subvencionohen lojtaret dhe trajnerët

Sport

U hodh shorti për rrethin e parë të Kupës së Kosovës në konkurrencën e femrave