Sport

Ademi takohet me Ceferin, bisedojnë për futbollin në Kosovë

Presidenti i FFK-së, Agim Ademi dhe presidenti i UEFA-së, Aleksander Ceferin janë takuar në Porto.

Gjatë qëndrimit në Porto me ftesë të UEFA-së, ku sonte zhvillohet finalja e Ligës së Kampionëve ndërmjet Manchester City dhe Chelsea, presidenti Agim Ademi është takuar edhe me presidentin e UEFA-s, Aleksander Ceferin.

Në këtë takim kreu i FFK-së dhe ai i UEFA-s kanë biseduar për situatën me pandeminë Covid-19 dhe për ndikimin e saj të përgjithshëm në futboll, me theks të veçantë në Kosovë.

Me këtë rast presidenti i UEFA-së e përgëzoi presidentin Ademi për punën dhe menaxhimin e mirë të kësaj periudhe të vështirë gjatë pandemisë, teksa shprehu shpresën se dalëngadalë jeta kudo në Evropë do t’i kthehet normalitetit dhe kësisoj edhe stadiumet do të jenë sërish të mbushura me tifozë.

Ndërkaq, presidenti Ademi e ka falënderuar presidentin Çeferin për mbështetjen e vazhdueshme që ai personalisht dhe UEFA i japin Kosovës dhe të gjitha projekteve të FFK-së.

Postime të ngjajshme
Sport

Prishtina testohet për COVID-19, e merr një lajm të mirë para finales së nesërme

Sport

Momenti kur bashkëlojtarët ia prishin gjumin Messit për ta uruar për ditëlindje

Sport

Ndryshohet orari i ndeshjes së Dritës, ja kur luan me Deçiqin

Sport

Kodraliu largohet nga KEK-u