Lajme

A pati ftesë për t’u bërë pjesë e kryesisë së PDK-së, flet analisti Rrahman Paçarizi

Analisti Rrahman Paçarizi gjatë së djeshme ishte përfolur në media se do të jetë pjesë e kryesisë së Partisë Demokratike të Kosovës.

Paçarizi në Info Magazine deklaroi se nuk ka pasur asnjëherë ndonjë marrëveshje me dikë nga PDK-ja që të jetë anëtar i kryesisë veçse pohon se ka pasur disa herë takime miqësore, njofton Klankosova.tv.

“Nuk ka pas ndonjë marrëveshje për të qenë pjesë e kryesisë së Partisë Demokratike të Kosovës, nuk e di se si ka rrjedh ai informacion”.

“Ftesë kam pas ku kemi biseduar, nuk mund të them se ka qenë ftesë ose ofertë. Por, në këto dhjetë vjetët e fundit kam pasur festa të vazhdueshme nga të gjitha partitë politike veçse ato mbesin në nivelin e ftesave, këshillave miqësore”.

“Mirëpo, nuk është se kemi pasur ndonjë marrëveshje me dikë nga Partia Demokratike të Kosovës që unë të jem anëtar i kryesisë”, deklaroi Paçarizi.

Mes tjerash Paçarizi komentoi edhe zgjedhjen e kryesisë së re të PDK-së që u votua dje në Këshill Drejtues dhe dorëheqjen e Enver Hoxhajt nga kryesia.

“Janë të paqarta arsyet se pse zotëri Hoxhaj mund të dorëhiqej dhe nëse është dëmtuar ai ose partia duhet t’i dimë arsyet. Mendoj se Hoxhaj ka qenë i nevojshëm për Kryesinë e Partisë Demokratike të Kosovës.

“Por PDK-ja tashmë ka nevojë t’i ruaj masën elektorale që ka dhe të mund t’i fitojë ata që përkohësisht janë larguar. Mendoj se largimet e tilla një ditë pas zgjedhjes e dëmtojnë partinë. Daljet nga kryesia e dëmtojnë PDK-në dhe nuk përçojnë mesazh mjaftueshëm të mirë”.

Postime të ngjajshme
Lajme

Këto janë komunat që nuk kanë asnjë rast aktiv me koronavirus

Lajme

MSH ka një thirrje për qytetarët e Kosovës

Lajme

KEDS: Në këto zona do ketë ndërprerje të energjisë elektrike

Lajme

Rama i përgjigjet ftesës së Kurtit, tregon se a do ta vizitojë Kosovën