.
Lajme

A do të lehtësohen masat për festat e fundvitit?

Bazuar në trendin aktual të infektimeve me koronavirus në vendin tonë si dhe festat e fundvitit, komunat dhe bizneset e shohin të nevojshme lehtësimin e masave kufizuese kundër Covid 19. Po kërkohet që të hiqet ora policore dhe maskat në ambient të hapur, si dhe lehtësime për bizneset.

Janë bërë muaj që në vendin tonë ka një numër të vogël të rasteve të infektimit me koronavirus.

Marrë parasysh gjendjen e tanishme me Covid-19, Asociacioni i Komunave të Kosovës ka kërkuar që për festat e fundvititt të ketë heqje të orës policore si dhe të maskave në ambient të hapur.

Lirim të masave në kohë feste po kërkon edhe Shoqata e Turizmit Malor.

“Kjo fushë është shumë e ndjeshme dhe janë festat e fundvitit dhe janë pushimet e fëmijëve dhe qeveria s’i ka nda gjëra siç duhet. Marrim shembull, hoteleria ka dy vjet që është e diskriminuar”, kanë thënë nga kjo shoqatë.

Në Asosacionin e Komunave të Kosovës kanë thënë se institucionet duhet të bëjnë më shumë për rritjen e numrit të vaksinuarve, ndërsa ju kanë bërë thirrje edhe bashkëatdhetarëve të bëjnë një gjë të tillë.

Një ditë më parë kanë hyrë në fuqi masat e reja kufizuese kundër Covid-19, të cilat hasën në kundërshtimin e bizneseve. /RTV21

Related posts
Lajme

Tërheqja e 30% nga Trusti? – ky është vendimi i fundit

Lajme

Kurti sërish kandidat për kryetar të VV-së

Lajme

Rama: Kuvendi le të shkojë në zgjedhje – s’tërhiqem nga projekti “arkitekti i kryeqytetit”

LajmeSport

Këshilltarja e re e Kurtit paralajmëron themelimin e Zyrës për Luginë