Ndeshjet ndërkombëtare, të luajtura këto ditë, kanë shërbyer, ndër të tjera, që Cristiano Ronaldo të arrijë shifrën e 700 golave në karrierë dhe Sergio Ramos të luajë ndeshjen e tij të 168-të me Spanjën, duke mposhtur Iker Casillasin si lojtari spanjoll me më shumë paraqitje te “La Roja”.
Shifra spektakolare, që megjithatë nuk janë rekorde absolute, shkruan Telesport.al.Këtu janë nëntë prej tyre. Disa do të thyhen si rekorde, të tjerët do të mbesin të paprekshëm për një kohë të gjatë.
Më shumë ndeshje me kombëtaren: AHMED HASSAN
Sergio Ramos, me 168 ndeshje të luajtura deri tani për Spanjën, është në “top 10”, por ka ende një grusht lojtarë përpara. Objektivi tjetër i tij do të jetë arritja e Buffon, i cili kryeson futbollistët evropianë me 176 ndeshje për Italinë
Egjiptiani Ahmed Hassan është lojtari me më shumë ndeshje për kombëtaren, 184 të tilla, të luajtura me Egjiptin. Ramos mund ta arrijë atë, edhe Cristiano Ronaldo, që ka për momentin 162 ndeshje me Portugalinë. Natyrisht, nu do ta kenë të thjeshtë për shkak të moshës, por Spanja dhe Portugalia janë dy skuadra, që kualifikohen gjithmonë fazat e kampionateve evropiane dhe botërore. Ky fakt mund t’i ndihmojë ata ta thyejnë rekordin e egjiptianit.
Më shumë ndeshje në terma globalë: PETER SHILTON
Lojtari me më shumë ndeshje zyrtare është Peter Shilton, i cili luajti jo më pak se 1390 të tilla në mesin e të gjitha ekipeve të tij dhe ekipit kombëtar anglez. Një tjetër portier, Rogerio Ceni, dhe mesfushori Xavi Hernandez, e plotësojnë podiumin, me 1241 përkatësisht 1140 ndeshje. Një rekord i Shilton, shumë i komplikuar për t’u thyer.
Më shumë gola në një Botëror të vetëm: JUST FONTAINE
Një nga ato rekorde, që duket i paarritshëm. Francezi shënoi jo më pak se 13 gola në Kupën e Botës 1958, të luajtur në vendin e tij. Për të krijuar një ide mbi rekordin e Fontaine, vetëm shikoni Kupën e Botës që zhvilloi Ronaldo në vitin 2002 kur shënoi 8 gola dhe mbeti 5 të tjerë pas francezit. Në terma absolutë, Miroslav Klose është golashënues në historinë e Kupave të Botës, me 16 gola të realizuar në katër turne të tillë. Kjo “markë” gjermane, pa qenë e thjeshtë për t’u kapërcyer, është më e përballueshme se ajo e Fontaine. Duket se as Messi dhe as Cristiano Ronaldo nuk do të jenë në gjendje ta arrijnë rekordin e Kloses. Argjentinasi ka gjashtë gola në Kupat e Botës, ndërsa portugezi ka shënuar shtatë të tillë. Botërori i Katarit mund të jetë mundësia e fundit e të dyve.
Më shumë gola në të gjithë historinë: JOSEF BISCAN
Cristiano Ronaldo shënoi kundër Ukrainës golin e tij të 701-të. Ai arriti Gerd Mullerin, ndërsa përpara ka vetëm katër futbollistë. Puskas (709 gola), Romario (748), Pele (779) dhe Biscan (805 gola). Nuk duhet harruar që pas tij vjen Messi me 668 gola dhe me një ritëm jashtëzakonisht të lartë shënimi. Nuk është e thjeshtë, por të dy, portugezi dhe argjentinasi aspirojnë të arrijnë rekordin e austriakut Biscan. Një tjetër sfidë midis dy dominuesve të futbollit botëror në dekadën e fundit.
Më shumë gola me kombëtaren: ALI DAEI (109 gola)
Një tjetër rekord, që Cristiano Ronaldo e ka në fokus. Portugezi është i dyti në listë, me 95 gola, 14 gola pas iranianit Ali Daei. Messi, me 68 gola, duket shumë larg nga kjo shifër rekord, ndërsa Neymar, me 60 gola për Brazilin dhe me 27 mbi supe, mund ta kërcënojë iranianin në planin afatgjatë.
Më shumë gola në Champions: CRISTIANO RONALDO
Ka rivalitet edhe në këtë drejtim mes Cristiano Ronaldos e Leo Messit. Për momentin, portugezi ka shënuar 15 gola më shumë se argjentinasi në Champions (127 me 112). I treti është Raul, me 41 gola larg Messit, ose me 56 gola larg CR7. I katërti, Benzema, që ka realizuar më pak se gjysmën e golave të Ronaldos.
Më shumë gola në një vit: LEO MESSI
Ylli argjentinas shënoi 90 gola në vitin 2012, duke mposhtur rekordin e Mullerit në vitin 1972, me 5 gola më tepër.Messi, gjithashtu, është golashënuesi më i mirë në një sezon, me 82 gola (2011-2012). Kjo shifër tregon shtatë gola më shumë sesa shënoi Peléenë sezonin 1957-1958.
Më shumë kupa evropiane të fituara: PACO GENTO
Paco Gento e kryeson këtë listë, me gjashtë kupa evropiane të fituara te Real Madridi. Me nga pesë trofe të tillë janë 11 lojtarë: Di Stefano, Rial, Zarraga, Marcos Alonso, Lesmes, Juanito Alonso, Santisteban, Mateos, Maldini, Costacurta dhe Cristiano Ronaldo. Nga të gjithë ata, vetëm Cristiano është akoma aktiv, kështu që portugezi duket më i afërt me rekordin e Gentos.
Më shumë Botërorë të fituar: PELE
Jo më pak se tri, janë Kupat e Botës së fituara nga Pele: 1958, 1962 dhe 1970. Nëse tashmë është e vështirë të fitosh një trofe të tillë, për yje si Messi, CR7, Cruyff, Di Stefano dhe shumë më tepër, tri Kupa Bote mbeten të paarritshme. Një rekord që eklipson çmimet individuale të Messit dhe Cristiano Ronaldos, të dy me nga pesë “Topa të Artë”.