Lajme

29 vjeçari nga Kosova mbytet në vendin e tij të punës në Zvicër

Një 29 vjeçar nga Kosova ka gjetur vdekjen, aksidentalisht, në vendin e tij të punës në stacionin e trenave në Zwingen, afër Bazelit të Zvicrës. Ngjarja tragjike ka ndodhur të dielën gjatë natës.

Gazeta Online “Reporteri.net” merr vesh se i riu është me prejardhje nga Gjakova, me inicialet M. D., dhe prej vitesh jeton në Zvicër.

Rastin e kanë konfirmuar për mediat zvicerane autoritetet e sigurisë të kantonit të Bazelit.

Sipas mediave lokale, ajo çka dihet tashmë është vetëm se kosovari ka vdekur, por se rrethanat e aksidentit që ndodhi në vendin e tij të punës janë ende ta paqarta.

Njoftohet se 29 vjeçari u shtyp nga një tren i një linje të huaj që kalojë në hekurudhë gjatë kohës kur po kryheshin punime, shkruan Reporteri.net.

Kompania zvicerane e trenave ‘SBB’ ka njoftuar se personi i vdekur tragjikisht në vendin e tij të punës nuk ka qenë punonjës i saj, por se ka qenë punëtor i një kompanie tjetër të kontraktuar për të kryer punimet në hekurudhe.

Bëhet e ditur se punimet janë ndërprerë të hënën, për shkak të hetimeve, ndërkohë që edhe lëvizja e trenave në atë zonë ka qenë e kufizuar gjatë ditës së djeshme. /Reporteri.net/.

Postime të ngjajshme
Lajme

Pamje të aksidentit Prishtinë-Ferizaj, vetura futet në restorant

Lajme

Ekskluzive: Takohen Haradinaj, Veseli, Limaj e Pacolli, diskutojnë për mundësinë e koalicionit

Lajme

-20 gradë Celsius: A do të bjerë borë gjatë janarit? Flet Sylë Tahirsylaj

Lajme

57 milionë euro në 2019 shpenzime si pagesë për veteranët e UÇK-së