Sport

“​A do të jap dorëheqje?”, Zidane flet pas humbjes nga Shakhtari

Trajneri i Real Madridit Zinedine Zidane ka këmbëngulur se ai nuk do të japë dorëheqje, përkundër një performance tjetër të dobët nga skuadra e tij në një humbje 2-0 ndaj Shakhtar Donetsk.

Shpresat e Madridit për t’u kualifikuar më tutje në Champions League janë tani në dyshim pas ndeshjes në Kiev, me golat e pjesës së dytë nga zëvendësuesit Dentinho dhe Manor Solomon duke i dhënë fitoren skuadrës vendase.

Zidane po ndjen presionin pas një fillimi indiferent të sezonit, me Madridin që tani ka humbur tre nga pesë ndeshjet e tyre të fundit. Francezi, megjithatë, ka këmbëngulur se ai nuk do të tërhiqet, përcjell KosovaPress.

“Unë nuk do të jap dorëheqjen – aspak,” tha ai pas humbjes të së martës.

“Ne gjithmonë kemi pasur momente delikate. Është e vërtetë që është një varg i keq për sa i përket rezultateve, por ne duhet të vazhdojmë. Sot ishte një finale, ne u përgatitëm shumë mirë, por ne e dimë se ka një lojë për të bërë dhe ne duhet të fitojmë dhe kaq. ”

Skuadra e Zidane gjithashtu humpi në fundjavë ndaj Alavesit dhe megjithëse ai e pranoi që skuadra e tij meritonte të humbte atë lojë, ai ndjeu që Madridi nuk ishte me fat që të largohej nga ndeshja e së martës me duar të zbrazëta.

“Besoj te lojtarët dhe natyrisht që kam forcë. Ditën tjetër kundër Alavesit nuk e meritonim të fitonim. Nuk ka zgjidhje tjetër përveç të punojmë dhe të vazhdojmë në mënyrë që rezultatet e mira të kthehen “, tha në fund Zinedine Zidane

Postime të ngjajshme
Sport

Bekim Balaj ndëshkohet me karton të kuq vetëm pesë minuta pasi u inkuadrua në derbin austriak

Sport

Limani me një premtim të madh për tifozët e Dritës para ndeshjes me Prishtinën

Sport

Këto janë ndeshjet miqësore që do t’i zhvillojë Prishtina në Turqi

Sport

Këta janë kundërshtarët që Drita do të përballet në ndeshjet miqësore në Turqi